١- هل المطارات المصرية فى أول يوليو كلها هتفتح فعلا ؟
أيوه للطيران الدولى والداخلى ✈
٢- هل هقدر أسافر بين بلد X إلى مصر أو العكس ؟
لاء , فتح المطارات معناة أن المطار جاهز لإستقبال الرحلات التجارية المُنتظمة بجداول مُحددة من الدول اللى عايزه تستأنف خط الطيران تانى إلى مصر
٣- المطارات فى أوروبا مفتوحة ؟
لاء , المطارات فى أوروبا مفتوحة للسفر الداخلى بين دول الشنجن من ١٥ يونيو وبعض دول الشنجن أعلنت أنها هتسمح لبعض الدول من السفر ليها بداية من ١ يوليو حسب وضع النظام الصحي فى الدول دى لكن
هتستقبل طيران مُنتظم من أى دول بالظبط
٤- أزاى أعرف أن الطيران مفتوح بين بلد X وبين مصر ؟
الرحلات المُنتظمة بيتم الإعلان عنها بشكل دورى سواء من مصر او من بلد X لكن وجود رحلات مُنتظمة على موقع مصر للطيران للبلد X مش معناه أن الرحلات دى هتنفذ
دى رحلات هتطير فعلا فى حالة أن البلد X سمحت لمصر بإستئناف الطيران ليها
٥-يعني فتح مطار القاهرة مثلا مش معناه أننا نقدر نرجع مصر ؟
فتح المطارات لازم يتم 2ways يعني زى ما مصر أعلنت فتح المطار وهتستقبل من كل بلاد العالم لازم المطار اللى عايز تطير منه هو كمان يعلن فتح مطار وإستقبال رحلات من وإلى القاهرة
وحاليا مفيش حد أعلن غير الخطوط الإماراتية فى يوليو
٦- هل مطلوب منى شهادة PCR وانا راجع مصر من بلد X ؟
مصر أعلنت أنها هتطلب دا من الوافدين من بعض الدول اللى منظمة الصحة هتقول أن لسه فيها تفشي للوباء لكن مأعلنتش عن أسماء الدول دى حتى الآن
٧- لو مسافر من مصر هتبقي مطلوبة ؟
حتى الآن مفيش دول أعلنت فتح الطيران مع مصر فمفيش تفاصيل لسه
٨- هل فى سياحة هتجيلنا فى يوليو؟
فى بعض شركات الطيران الشارتر أعلن عن تسيير رحلات إلى الغردقة زى Brussels Airline مثلا ولو باعو الرحلات للسياح , أيوه مطار الغردقة هيستقبل وهيتم تسكينهم فى الفنادق مع الإجراءات الإحترازية المُتبعة
٩- هل دا معناة أن الطيران بين مصر وبلجيكا أتفتح؟
لاء,مصر أعلنت فتح الطيران وإستقبال طيارات من بلجيكا لكن بلجيكا مأعلنتش عن العكس
١٠-أمتى هنقدر نسافر أوروبا؟
المفوضية الأوروبية أوصت الدول الأعضاء بفتح السياحة فى يوليو مع الدول اللى عندها نظام صحي قوي ومسيطرين على الفيروس
١١- أيه فايدة فتح المطار دلوقتى ؟
أن لو أى بلد X أعلنت أن هيا كمان مطارها مفتوح فتقدر تستأنف رحلات مُنتظمة إلى مصر سواء one way أو Round trip حسب التصاريح اللى هتتم بين البلدين
١٢- في بلاد أعلنت إستئناف رحلات مع مصر؟
مفيش غير Emirates & Etihad airways فى يوليو
١٣- ليا تذاكر طيران مع مصر للطيران أقدر أستردها أمتى؟
مصر للطيران أعلنت فى بيان قديم أنها هترجع التذاكر بعد ٣٥ يوم من بداية التشغيل ١ يوليو بس ممكن يتم خصم ضرائب وغرامات من التذاكر , ساعتها بننصح العملاء بأنهم يغيرو التذاكر علشان ميخسروش فلوس
22563