السبب الأول والذي يحتل النسبة الأكبر 👇 بناء مشروع مفيش حد محتاجه ومش مبني على دراسة لإحتياج فعلي للسوق الفكرة العبقرية الجميلة اللي انت مقتنع بيها لازم تدرسها كويس قبل ما تنفذها وتغرق لو مشروعك غير قائم على دراسة حقيقية لإحتياجات السوق فللأسف فرص فشلك كبيرة جداً
السبب الثاني واللي بيحتل برضو نسبة كبيرة جداً👇 الإختيار الخاطئ للموظفين وعشان خاطري وظفني عشان أنا محتاج شغل واختيار الموظفين بناءاً على الثقة مش على الكفاءة لا تجامل أحداً بوظيفة لو شخص صعبان عليك وعايز تساعده ساعده بوظيفة مناسبة له مش شرط توظفه في مشروعك طالما إنه غير مناسب لمشروعك
السبب الثالث 👇 عدم التركيز موظف في وظيفة وجمب الوظيفة يالا بينا نعمل أي مصلحة ومش مدي المشروع تركيزه فيخسر أو صاحب مشروع ناجح ويالا بينا نبدأ مشروع جديد فيبدأ المشروع الجديد بربع تركيز فيفشل المشروع الجديد أو يالا بينا نفتح فرع جديد والفرع القديم لسه محتاج تركيز ومجهود كبير فنوصل لنفس النتيجة لا تتسرع النمو فتخسر الجديد والقديم
السبب الرابع 👇 الفشل في البيع والتسويق بدأ المشروع ومعندوش خطة وفاهم إن البيع هو التسويق وبعد ما نصرف ونكلف نكتشف إن مفيش بيع أو بيع ضعيف ميغطيش المصروفات فنبدأ ناكل من راس المال ويخسر المشروع
تخيل إن الأربع أسباب دول بيمثلوا أكتر من ٧٥٪ من أسباب فشل المشروعات 🙀 غريبة يعني ضعف التمويل مش سبب كبير من أسباب فشل المشاريع !! ودي رسالة مهمة للناس اللي بتفكر تجيب قرض التمويل مهم طبعاً لكن ضعفه مش السبب الرئيسي والأكبر لفشل المشاريع ونسبته مش بتمثل أكتر من ٥٪ 
السبب الخامس 👇 الإختيار الخاطئ للمؤسسين والشركاء قبل ما نختار شريك أو مؤسس للمشروع لازم نحدد احتياجات المشروع وبناءاً عليها نحدد احنا محتاجين شريك من أي نوع المشروع محتاج شريك خبير في مجال المشروع يبقى نبحث عن العنصر الخبير اللي شراكته هتكون إضافة للمشروع اوعى تشارك شخص عشان الشخص ده انت بتحبه وحابب يكون في بينكم عمل بيجمعكم
السبب السادس 👇 مطاردة المستثمرين بدلاً من مطاردة العملاء المشروع الناجح هو اللي بيجذب المستثمرين وكل ما كان المشروع ناجح وسمعته متميزة هتلاقي المستثمرين اللي بيدوروا عليك مش العكس ركز ازاي تنجح الفكرة وتبني نموذج عمل قائم على نظام عمل جماعي يُدير نفسه بنفسه وليس معتمداً على المؤسسين ، إذا نجحت في ذلك فسيأتيك الإستثمار دون عناء.
السبب السابع 👇 تبديد الأصول وجرح رأس المال الأساسي بدأنا المشروع والدنيا لذيذة وجميلة طاب يالا بينا نجيب بقى عربية لزوم الإستعراض Show وتبدأ سلسلة نزيف المصروفات في غير مكانها الصحيح ومع الوقت وتقلبات السوق يبدأ مؤشر المشروع في النازل وباقي القصة كلنا عارفين تفاصيلها
السبب الثامن👇 استشارة الأشخاص الخطأ كل المشاريع مهما كان حجمها الطبيعي إنها بيكون عندها مشاكل وللأسف بيلجأ أصحابها للمسكنات واستشارة الأشخاص الخطأ وطالما شخصنا المشكلة خطأ يبقى طبيعي العلاج هيكبر حجم المشكلة.
السبب التاسع👇 إهمال التسويق الالكتروني أو ممارسته بفهم قاصر لا يخفى علينا جميعاً الآن مدى أهمية استخدام التسويق الالكتروني كأداة رئيسية لنجاح المشروع لكن للأسف أغلب الذي يتم الآن يتم بفهم قاصر ولن ينضج ذلك ما لم يتم من منطلق أساسيات علم التسويق الأساسي ثم الإنطلاق منه إلى علم التسويق الالكتروني.
السبب العاشر 👇 عدم مواكبة السوق بشكل مستمر أنت في الأساس تبيع أو تقدم خدمة لعملاء والسوق يتطور بشكل مستمر وفكر العملاء يتغير باستمرار لذا ما لم يتم مواكبة السوق وفكر العميل باستمرار ستحدث فجوة يزداد اتساعها بقدر ابتعادك عن المواكبة.
300